Expresiones del poder nun paisaxe rural del occidente asturianu [III]. Tercera intervención arqueolóxica n'El Palaciu (La Puela, Ayande)

Abstract

Nel añu 2024 fíxose la tercera y última campaña arqueolóxica del proxecto Expresiones del poder nun paisaxe rural del occidente asturianu. Estes actuaciones tán integraes dientro del programa del proxecto TemPa y busquen reconstruír les tresformaciones históriques del paisaxe qu’arrodia El Palaciu (palaciu de Cienfuegos o Peñalba), ente los llugares de La Puela y Cimalaviḷḷa (Ayande). Los obxectivos particulares de la campaña yeren: 1) acabar les prospecciones xeofísiques na rodiada d’El Palaciu; 2) comprobar mediante la escavación arqueolóxica delles anomalíes xeofísiques detectaes nel 2023; y 3) rematar la lectura de paramentos y definir les fases constructives del palaciu.