Lliteratura tradicional, mitoloxía y enseñanza de la Llingua Asturiana na Educación Primaria

Abstract

Esti trabayu fin de grau tien un caráuter anovador, lo que supón la defensa de nueves idees, enfoques o recursos pa satisfacer una necesidá, que nesti casu ye la enseñanza de la Llingua Asturiana, d’una manera más creativa y eficaz. Tanto dende’l puntu de vista del docente como dende’l puntu de vista del alumnáu, sábese que pa captar l’atención de los escolinos debemos utilizar los nuesos recursos como si d’una estratexa de motivación y xeneración d’interés se tratare. Hai munchos momentos onde’l procesu de deprendizax queda resumíu, tanto polos escolinos como polos profesores, que n’ocasiones carecemos de recursos creativos, como un momentu aburríu nel que memorizar diferentes cuestiones col oxetivu final de plasmalos tal y como los deprendimos y se conseña nel instrumentu d’evaluación utilizáu pol mayestru.