Rastrexando o punk feminista en Galiza. Cal é o legado xeracional das mulleres punkis?

Abstract

O imaxinario galego está repleto de grandes nomes que compoñen unha xenealoxía musical exclusivamente masculina. Libros, documentais, fanzines e material sonoro contáronnos a metade da historia, pero… onde están as achegas da outra metade e por que non nolas relataron? As mulleres formaron bandas de punk desde os comezos do movemento, aínda que estas non fosen apoiadas, visibilizadas e lembradas como as dos homes. Xa que a historia musical galega está ferida de machismo, este artigo pretende tender unha ponte cara á nosa memoria activa rastrexando bandas punks compostas integramente por mulleres que estiveron presentes na nosa comunidade desde a súa xerminación.