Más apellíos asturianos vinientes de xenitivos de nomes de persona

Abstract

Como complementu d’un trabayu asoleyáu en 2010, l’autora analiza nesti artículu en qué midida los topónimos formaos por un nome de persona (NP) en xenitivu se caltienen güei tamién como apellíos n’asturianu, de mou esclusivu o n’andecha coles otres llingües d’España. Los topónimos a los que se fai referencia respondíen nel so aniciu a la construcción determináu + determinante, onde’l primer elementu faía referencia a la posesión (villa, fonte, braña, pomar, ...) mentanto que’l segundu yera’l nome del posesor en xenitivu. Son estructures nes que se desanició, como asocedió n’otres estayes de la llingua, el noyu del sintagma continuando como nome de llugar namái’l determinante, esto ye, el nome del posesor en xenitivu. Arriendes d’ello, trátase d’esclariar, cuando ello ye posible, si’l xenitivu del nome de persona s’emplegó p’apellar la tierra y, al empar, como patronímicu o si primeramente se fixó como topónimu y foi esti –el topónimu–el que llueu s’emplegó pa nomar específicamente a la persona