El fenómenu diglósicu: rellación del casu del griegu bizantín y del asturllionés d’anguaño

Abstract

La convivencia de dos (o más) variedaes llingüístiques nun mesmu territoriu comporta en munches ocasiones una rellación desigual ente elles, na qu'una tien un meyor estatus mientres que la otra va quedando arrequexada nun ámbitu más reducíu y gozando de pocos o de nengún espaciu ú predomine, amenorgando asina’l so prestixu a nivel social. Ello tien asocedío a lo llargo de la historia cásique siempres que dos variedaes convivieron siendo mui pocos los casos de billingüismu ensin diglosia. Nesti trabayu vamos tentar d’afondar na convivencia de les distintes realidaes llingüistiques de la Hélade ente los sieglos IV a.C y I d.C. y de revisar, asinamesmo, la situación llingüistica de dominiu llingüisticu asturianu como dos casos distintos, separtaos por sieglos d’historia, d’un mesmu fenómenu.