Introducción del asturianu nel Proyeutu Llingüísticu de Centru

Abstract

El trabayu apurre una propuesta d’innovación que ta conformada por un proyeutu frutu de la reflexón sobre la situación de la llingua asturiana na educación. Y ye que’l sistema educativu asturianu enfréntase al retu d’atopase énte un alumnáu que provién d’una sociedá onde conviven dos llingües, asturianu y castellán, nuna situación sociollingüística con unes condiciones mui concretes que xeneren diversos perfiles llingüísticos que dempués conviven nes aules. P'aprovechar esti retu plantegamos un proyeutu d'introducción del asturianu na vida del centru y nel usu como llingua vehicular d'otres asignatures, al traviés del desendolque d'un Proyeutu Llingüísticu de Centru.