Una novela de Constantino Suárez 'Españolito' y el 'Asturias, patria querida'

Abstract

Apocayá, informaciones periodístiques asturianes asoleyaron la investigación que’l folclorista Fernando de la Puente fexere sobro distintos aspeutos de la canción «Asturias, patria querida», actual himnu oficial d’Asturies. Afita’l citáu investigador que’l so autor ye’l músicu mulatu cubanu Ignacio Piñeiro, que la fecha d’escritura ye 1926 y que’l motivu que la orixina ye la vuelta de so padre a la so Asturies natal. el presente artículu documenta la esistencia d’esa canción na novela El hijo de trapo, del gran bibliógrafu asturianu Constantino Suárez «Españolito», asoleyada nes primeres selmanes de 1926 pero acabada nel branu del añu anterior y, amás, con alusiones de l’aición lliteraria —en bona midida encontada n’esperiencies reales del autor— a fechos presuntamente socedíos na seronda de 1924.