De la dialeutoloxía a la llingua nel dominiu llingüísticu ástur

Abstract

Nesti trabayu náguase por facer ver que’l procesu de normalización de la llingua asturiana ye anterior a la nacencia de la Dialeutoloxía como disciplina académica. Llueu d’apaecer ésta, a lo cabero’l sieglu XIX, nun supón en principiu una torga pal llogru d’una llingua estándar. Los problemes ente dialeutoloxía y llingua estándar surden y enguedéyense sobre too cuando dende instituciones académiques y culturales hai un enfotu por frayar les posibilidaes sofitándose na esistencia de variantes dialeutales. Esti problema, de toes maneres, podrá vese que ye esencialmente ideolóxicu y, darréu d’ello, superable.